IAS Prelims and Mains New Batch starts from September 20th 2018 & KAS prelims & Mains New batch starts from 27th September 2018 - For registration Contact: 9686664983/9845512052.

ಝೀಕಾ ವೈರಸ್ ಲಸಿಕೆ ಪರೀಕ್ಷೆಗೆ ಅನುಮತಿ

ಝೀಕಾ ವೈರಸ್ ಲಸಿಕೆ ಪರೀಕ್ಷೆಗೆ ಅನುಮತಿ

ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ, ಮೊಟ್ಟಮೊದಲ ಬಾರಿಗೆ ಭಾರತೀಯ ಕಂಪನಿ ಝೀಕಾ ವೈರಸ್ ಲಸಿಕೆ ಪರೀಕ್ಷಾರ್ಥ ಪ್ರಯೋಗ ನಡೆಸಲು ಅನುಮತಿ ನೀಡಿದೆ. ಅನುಮತಿ ಅನ್ವಯ ಮೊದಲ ಹಂತದ ಕ್ಲಿನಿಕಲ್ ಪರೀಕ್ಷೆ ನಡೆಸಬಹುದಾಗಿದೆ. ಇದನ್ನು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಖಾತೆ ರಾಜ್ಯ ಸಚಿವ ಅಶ್ವಿನಿ ಕುಮಾರ್ ಚೌಧರಿ ಲೋಕಸಭೆಯಲ್ಲಿ ಪ್ರಕಟಿಸಿದರು.

ಝೀಕಾ ವೈರಸ್

ಝೀಕಾ ವೈರಸ್ ಎನ್ನುವುದು ಸೊಳ್ಳೆಗಳಿಂದ ಹರಡುವ ರೋಗವಾಗಿದ್ದು, ಈಡಿಸ್ ಈಜಿಪ್ಟಿ ಎಂಬ ಸೊಳ್ಳೆಯಿಂದ ಹರಡುತ್ತದೆ. ಇದು ಗರ್ಭಿಣಿ ಮಹಿಳೆಯರಿಗೆ ತಗುಲಿ ಹುಟ್ಟುವ ಮಗುವಿನ ಜನ್ಮದತ್ತ ದೋಷಕ್ಕೆ ಕಾರಣವಾಗಲಿದೆ. ಅದರಲ್ಲೂ ಮುಖ್ಯವಾಗಿ ಮೆದುಳಿನ ವಿರೂಪತೆ ಅಥವಾ ಮೈಕ್ರೊಸೆಫೆಲಿ ಹಾಗೂ ಗುಲಿಯನ್ ಬೇರ್ ಸಿಂಡ್ರೋಮ್ (ಜಿಬಿಎಸ್) ಪ್ರಮುಖವಾದದ್ದು. ಮೈಕ್ರೊಸೆಫಿಲಿ ರೋಗದಲ್ಲಿ ತಲೆಯ ಗಾತ್ರ ತೀರಾ ಚಿಕ್ಕದಾಗಿದ್ದು, ಮೆದುಳಿನ ಬೆಳವಣಿಗೆ ಕುಂಠಿತವಾಗುತ್ತದೆ.

ವಿರ್ಶವ ಆರೋಗ್ಯ ಸಂಸ್ಥೆಯು ಝೀಕಾ ವೈರಸ್ ಅನ್ನು ಸಾರ್ವಜನಿಕ ಆರೋಗ್ಯ ತುರ್ತು ಸಮಸ್ಯೆ ಎಂದು ಗುರುತಿಸಿದೆ. ಇದು ಅಂತರರಾಷ್ಟ್ರೀಯ ಮಹತ್ವದ ವಿಷಯ ಎಂದು 2016 ಫೆಬ್ರವರಿಯಲ್ಲಿ ಘೋಷಿಸಿತ್ತು. ಬ್ರೆಜಿಲ್ ಮತ್ತು ಲ್ಯಾಟೀನ್ ಅಮೆರಿಕನ್ ದೇಶಗಳಲ್ಲಿ ವ್ಯಾಪಕವಾಗಿ ರೋಗ ಹರಡಿದ ಹಿನ್ನೆಲೆಯಲ್ಲಿ ಘೋಷಣೆ ಮಾಡಲಾಗಿತ್ತು. ನವಜಾತ ಶಿಶುಗಳಲ್ಲಿ ದೊಡ್ಡ ಪ್ರಮಾಣದ ಜನ್ಮದತ್ತ ದೋಷಗಳು ಕಾಣಿಸಿಕೊಂಡಿದ್ದವು. ಇದನ್ನು 2016ರಲ್ಲಿ ಹಿಂಪಡೆಯಲಾಗಿತ್ತು.

ಹಿನ್ನೆಲೆ

ಭಾರತೀಯ ಲಸಿಕಾ ಅಭಿವೃದ್ಧಿ ಕಂಪನಿಯೊಂದು ಕುರಿತು ಸರ್ಕಾರಕ್ಕೆ ಅರ್ಜಿ ಸಲ್ಲಿಸಿತ್ತು. ಇದರ ಜತೆಗೆ ನಾನ್- ಕ್ಲಿನಿಕಲ್ (ಪ್ರಾಣಿಗಳ ಮೇಲಿನ ಪ್ರಯೋಗ) ವಿಷಾಂಶ ಮಾಹಿತಿಯನ್ನು ಆಧಾರವಾಗಿ ನೀಡಿತ್ತು. ಇದು ಪ್ರಾಣಿಗಳಲ್ಲಿ ಶೇಕಡ 100ರಷ್ಟು ಫಲಿತಾಂಶ ನೀಡಿದ್ದು, ಮೊದಲ ಹಂತದ ಕ್ಲಿನಿಕಲ್ ಪರೀಕ್ಷೆ ನಡೆಸಲು ಅನುಮತಿ ನೀಡುವಂತೆ ಕೋರಿತ್ತು. ಅರ್ಜಿಯ ಮೌಲ್ಯಮಾಪನದ ಬಳಿಕ ಮತ್ತು ತಜ್ಞರ ಸಮಿತಿಯ ಸಲಹೆ ಪಡೆದು ಡಿಸಿಜಿಐ ಮೊದಲ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ಒಪ್ಪಿಗೆ ನೀಡಿದೆ. ಮೊದಲ ಹಂತದ ಪ್ರಯೋಗದಲ್ಲಿ ಔಷಧಿಯ ಸುರಕ್ಷತೆಯನ್ನು ಖಾತ್ರಿಪಡಿಸುವುದು, ಸಹಿಷ್ಣುತೆ ಮತ್ತು ಭೌತಿಕ ಕ್ರಮಗಳು ಮತ್ತಿತರ ಅಂಶಗಳು ಸೇರಿವೆ.

ಡಿಸಿಜಿಐ

ಭಾರತದ ಔಷಧ ನಿಯಂತ್ರಣ ಮಹಾನಿರ್ದೇಶನಾಲಯವು ಗುಣಮಟ್ಟ ನಿಯಂತ್ರಣ ಸಂಸ್ಥೆಯಾಗಿದ್ದು, ಇದು ನಿರ್ದಿಷ್ಟ ವರ್ಗಗಳ ಔಷಧಿಗಳಿಗೆ ಲೈಸನ್ಸ್ ನೀಡುವ ಹೊಣೆ ಹೊಂದಿದೆ. ರಕ್ತ ಮತ್ತು ರಕ್ತದ ಉತ್ಪನ್ನಗಳು, ಲಸಿಕೆಗಳು, 4 ಫ್ಲೂಯಿಡ್ ಮತ್ತು ಸೆರಾ ಔಷಧಿಗಳಿಗೆ ಡಿಸಿಜಿಐ ಅನುಮತಿ ಕಡ್ಡಾಯವಾಗಿರುತ್ತದೆ.

ಡಿಸಿಜಿಐ ಉತ್ಪಾದನೆ, ಮಾರಾಟ, ಆಮದು ಮತ್ತು ಔಷಧಿಯ ವಿತರಣೆಯಲ್ಲಿ ಗುಣಮಟ್ಟ ಕಾಪಾಡುವ ಹೊಣೆಯನ್ನು ಹೊಂದಿದೆ. ಯಾವುದೇ ಔಷಧಿಗಳ ಗುಣಮಟ್ಟದ ಮೇಲೆ ವ್ಯಾಜ್ಯಗಳು ಇದ್ದಲ್ಲಿ ಇದು ಮೇಲ್ಮನವಿ ಪ್ರಾಧಿಕಾರವಾಗಿಯೂ ಕಾರ್ಯನಿರ್ವಹಿಸುತ್ತದೆ. ಇದು ರಾಷ್ಟ್ರೀಯ ಪರಾಮರ್ಶನಾ ಗುಣಮಟ್ಟವನ್ನು ನಿಗದಿಪಡಿಸುವ ಹಾಗೂ ನಿರ್ವಹಿಸುವ ಕಾರ್ಯ ಮಾಡುತ್ತದೆ. ಇದು ಔಷಧ ಮತ್ತು ಪ್ರಸಾದ ಕಾಯ್ದೆಯ ಜಾರಿಯಲ್ಲಿ ಏಕರೂಪತೆಯನ್ನು ತರುವ ನಿಟ್ಟಿನಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ಇದು ರಾಜ್ಯ ಔಷಧ ನಿಯಂತ್ರಕ ಪ್ರಯೋಗಾಲಯ ಮತ್ತು ಇತರ ಸಂಸ್ಥೆಗಳ ಔಷಧ ವಿಶ್ಲೇಷಕರಿಗೆ ಸೂಕ್ತ ತರಬೇತಿಯನ್ನು ನೀಡುವ ಕಾರ್ಯವನ್ನೂ ನಿರ್ವಹಿಸುತ್ತದೆ.

Comment