IAS Prelims and Mains New Batch starts from September 20th 2018 & KAS prelims & Mains New batch starts from 27th September 2018 - For registration Contact: 9686664983/9845512052.

ಐಸಿಎನ್‍ಗೆ ನೊಬೆಲ್ ಶಾಂತಿ ಪ್ರಶಸ್ತಿ

ಐಸಿಎನ್‍ಗೆ ನೊಬೆಲ್ ಶಾಂತಿ ಪ್ರಶಸ್ತಿ

ಜಿನೀವಾ ಮೂಲದ ಅಂತರರಾಷ್ಟ್ರೀಯ ಅಣ್ವಸ್ತ್ರ ನಿರ್ಮೂಲನಾ ಅಭಿಯಾನ (ಇಂಟರ್ನ್ಯಾಷನಲ್ ಕ್ಯಾಂಪೇನ್ ಟೂ ಅಬಾಲಿಶ್ ನ್ಯೂಕ್ಲಿಯರ್ ವೆಪನ್ಸ್- ಐಸಿಎಎನ್)ಕ್ಕೆ 2017ನೇ ಸಾಲಿನ ನೊಬೆಲ್ ಶಾಂತಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ನಾರ್ವೆಯ ಓಸ್ಲೋದಲ್ಲಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ವಿತರಿಸಲಾಯಿತು. ಐಸಿಎಎನ್ ಮುಖಂಡ ಮತ್ತು ಹಿರೋಶಿಮಾ ಅಣುಬಾಂಬ್ನಲ್ಲಿ ಉಳಿದುಕೊಂಡ ಸೆಟ್ಸುಕೊ ಥುರ್ಲೊ ಪ್ರಶಸ್ತಿಯನ್ನು ಸ್ವೀಕರಿಸಿದರು.

ಐಸಿಎಎನ್ ಎನ್ನುವುದು 468 ತಳಮಟ್ಟದ ಸರ್ಕಾರೇತರ ಸಂಘ ಸಂಸ್ಥೆಗಳ ಗುಂಪಾಗಿದ್ದು, ಅಣ್ವಸ್ತ್ರ ಯುಗಕ್ಕೆ ಕೊನೆಗಾಣಿಸುವ ಪ್ರಯತ್ನವನ್ನು ವಿಶ್ವಸಂಸ್ಥೆಯ ಮೂಲಕ ಮಾಡುತ್ತಾ ಬಂದಿದೆ. ವಿಶ್ವಸಂಸ್ಥೆ ಸಾಮಾನ್ಯಸಭೆ ಸಂಬಂಧ ಅಣ್ವಸ್ತ್ರ ನಿಷೇಧ ಒಪ್ಪಂದವನ್ನು 2017 ಜುಲೈನಲ್ಲಿ ಆಂಗೀಕರಿಸಿತ್ತು. 122 ದೇಶಗಳು ಇದನ್ನು ಬೆಂಬಲಿಸಿವೆ.

ವಿಶ್ವಸಂಸ್ಥೆಯ ಅಣ್ವಸ್ತ್ರ ನಿಷೇಧ ಒಪ್ಪಂದ

ಕಳೆದ 20 ವರ್ಷಗಳಲ್ಲಿ ಅಣ್ವಸ್ತ್ರ ನಿಶ್ಶಸ್ತ್ರೀಕರಣಕ್ಕಾಗಿ ಮಾಡಿಕೊಂಡ ಒಪ್ಪಂದ ಮೊಟ್ಟಮೊದಲ ಬಹುಪಕ್ಷೀಯ ಹಾಗೂ ಕಾನೂನುಬದ್ಧವಾದ ಸಾಧನವಾಗಿದೆ. ಒಪ್ಪಂದವು 2017 ನವೆಂಬರ್ನಲ್ಲಿ ನಡೆಯುವವಿಶ್ವಸಂಸ್ಥೆಯ ಸಾಮಾನ್ಯಸಭೆಯಲ್ಲಿ ಸಹಿಗೆ ತೆರೆದುಕೊಳ್ಳಲಿದೆ. 2017 ಸೆಪ್ಟೆಂಬರ್ವರೆಗೆ 50 ದೇಶಗಳು ಇದಕ್ಕೆ ಸಹಿ ಮಾಡಿವೆ. ಒಪ್ಪಂದದ ಅನ್ವಯ ಯಾವುದೇ ಪರಿಸ್ಥಿತಿಯಲ್ಲಿ ಅಣ್ವಸ್ತ್ರಗಳ ಬಳಕೆ, ಅಭಿವೃದ್ಧಿ, ಪರೀಕ್ಷೆ ಅಥವಾ ದಾಸ್ತಾನನನ್ನು ನಿಷೇಧಿಸಲಾಗಿದೆ. ಆದರೆ ಒಪ್ಪಂದಕ್ಕೆ ಈಗಾಗಲೇ ಅಣ್ವಸ್ತ್ರಗಳನ್ನು ಹೊಂದಿರುವ ದೇಶಗಳು ಸಹಿ ಮಾಡಿಲ್ಲ ಹಾಗೂ ದೇಶಗಳಿಗೆ ಇದು ಅನ್ವಯಿಸುವುದಿಲ್ಲ.

ಇಂಟರ್ನ್ಯಾಷನಲ್ ಕ್ಯಾಂಪೇನ್ ಟೂ ಅಬಾಲಿಶ್ ನ್ಯೂಕ್ಲಿಯರ್ ವೆಪನ್ಸ್ (ಐಸಿಎಎನ್)

ಅಂತರರಾಷ್ಟ್ರೀಯ ಅಣ್ವಸ್ತ್ರ ನಿರ್ಮೂಲನಾ ಅಭಿಯಾನ ಜಾಗತಿಕ ನಾಗರಿಕ ಸಮಾಜ ಸಂಘಟನೆಗಳ ಒಕ್ಕೂಟವಾಗಿದ್ದು, 101 ದೇಶಗಳ 468 ಪಾಲುದಾರ ಸಂಸ್ಥೆಗಳು ಅಣ್ವಸ್ತ್ರ ನಿಷೇಧ ಒಪ್ಪಂದಕ್ಕೆ ಒತ್ತಾಯಿಸುತ್ತಾ ಬಂದಿವೆ. ಇದು ವಿಶ್ವದಲ್ಲೇ ಅಗ್ರಗಣ್ಯ ನಾಗರಿಕ ಸಮಾಜ ಸಂಸ್ಥೆಗಳ ಒಕ್ಕೂಟವಾಗಿದ್ದು, ಅಣ್ವಸ್ತ್ರಗಳಿಲ್ಲದ ವಿಶ್ವದ ಪರಿಕಲ್ಪನೆಯನ್ನು ಪ್ರತಿಪಾದಿಸುತ್ತಾ ಬಂದಿದೆ. ಮೊಟ್ಟಮೊದಲ ಬಾರಿಗೆ ಇದು 2007ರಲ್ಲಿ ಆಸ್ಟ್ರೇಲಿಯಾದಲ್ಲಿ ಹುಟ್ಟಿಕೊಂಡಿತು. ಇದರ ಕೇಂದ್ರ ಕಚೇರಿ ಸ್ವಿಡ್ಜರ್ಲೆಂಡ್ ಜಿನೀವಾದಲ್ಲಿದೆ.

ಅಂತರರಾಷ್ಟ್ರೀಯ ಅಣ್ವಸ್ತ್ರ ನಿರ್ಮೂಲನಾ ಅಭಿಯಾನದ ಮುಖ್ಯ ಗುರಿಯೆಂದರೆ ನಿಶ್ಶಸ್ತ್ರೀಕರಣ ಚರ್ಚೆಯನ್ನು ಅಣ್ವಸ್ತ್ರದಿಂದ ಇರುವ ಮಾನವೀಯ ಅಪಾಯದ ಬಗ್ಗೆ ಕೇಂದ್ರೀಕರಿಸುವುದು. ಸಮೂಹ ವಿನಾಶದ ಅಣ್ವಸ್ತ್ರಗಳ ಸಾಮಥ್ರ್ಯದ ಬಗ್ಗೆ ಗಮನ ಸೆಳೆಯುವುದು, ಇವುಗಳು ಆರೋಗ್ಯದ ಮೇಲೆ ಬೀರುವ ಗಂಭೀರ ಪರಿಣಾಮಗಳ ಬಗ್ಗೆ ಮತ್ತು ಪರಿಸರಾತ್ಮಕ ಪರಿಣಾಮಗಳ ಬಗ್ಗೆ ಗಮನ ಸೆಳೆಯುವುದು ಇದರ ಉದ್ದೇಶ. ಅಣ್ವಸ್ತ್ರಗಳಿಂದ ವೈದ್ಯಕೀಯ ಮೂಲಸೌಕರ್ಯಗಳ ಮೇಲೆ ಆಗುವ ಪರಿಣಾಮ ಹಾಗೂ ವಿಕಿರಣ ಮತ್ತು ಇತರ ಪರಿಣಾಮಗಳಿಂದ ಆಗುವ ಧೀರ್ಘಾವಧಿ ಪರಿಣಾಮಗಳಿಗೆ ಪರಿಹಾರ ದೊರಕಿಸಿಕೊಡುವ ನಿಟ್ಟಿನಲ್ಲಿ ಚರ್ಚೆಯನ್ನು ಕೇಂದ್ರೀಕರಿಸುವಂತೆ ಐಸಿಎಎನ್ ಒತ್ತಾಯಿಸುತ್ತಾ ಬಂದಿದೆ.

ಅಣ್ವಸ್ತ್ರ ಪರೀಕ್ಷೆ ಇತಿಹಾಸ

  • 1945 ಜುಲೈ 16ರಂದು ಸಂಭವಿಸಿದ ಮೊಟ್ಟಮೊದಲ ಅಣ್ವಸ್ತ್ರ ಸ್ಫೋಟದ ಬಳಿಕ ಎಂಟು ಅಣ್ವಸ್ತ್ರಶಕ್ತ ದೇಶಗಳು ಒಟ್ಟು 2056 ಅಣ್ವಸ್ತ್ರ ಪರೀಕ್ಷೆಗಳನ್ನು ಕೈಗೊಂಡಿವೆ.
  • ಅಮೆರಿಕ- 1030, ರಷ್ಯಾ- 715, ಇಂಗ್ಲೆಂಡ್- 45, ಫ್ರಾನ್ಸ್- 2010, ಚೀನಾ-45, ಭಾರತ-3, ಪಾಕಿಸ್ತಾನ-2, ಉತ್ತರ ಕೊರಿಯಾ-6 ಅಣ್ವಸ್ತ್ರ ಪರೀಕ್ಷೆಗಳನ್ನು ನಡೆಸಿವೆ.
  • 1970ರಲ್ಲಿ ಮೊಟ್ಟಮೊಲದ ಬಾರಿಗೆ ಅನ್ವಸ್ತ್ರ ನಿಶ್ಶಸ್ತ್ರೀಕರಣ ಒಪ್ಪಂದಕ್ಕೆ ಸಹಿ ಮಾಡಿ ಇದನ್ನು ಜಾರಿಗೆ ತರಲಾಯಿತು.
  • ಒಪ್ಪಂದದ ಸದಸ್ಯದೇಶಗಳೆಂದರೆ ಅಮೆರಿಕ, ರಷ್ಯಾ ಬ್ರಿಟನ್, ಫ್ರಾನ್ಸ್ ಹಾಗೂ ಇತರ 187 ದೇಶಗಳು.
  • ಒಪ್ಪಂದಕ್ಕೆ ಸಹಿ ಮಾಡದ ದೇಶಗಳೆಂದರೆ ಭಾರತ, ಪಾಕಿಸ್ತಾನ, ಉತ್ತರ ಕೊರಿಯಾ, ಇಸ್ರೇಲ್ ಹಾಗೂ ದಕ್ಷಿಣ ಸೂಡಾನ್.
  • 1996ರಲ್ಲಿ ಸಮಗ್ರ ಅಣ್ವಸ್ತ್ರ ಪರೀಕ್ಷಾ ನಿಷೇಧ ಒಪ್ಪಂದಕ್ಕೆ ಸಹಿ ಮಾಡಲಾಯಿತು. ಆದರೆ ಇದು ಜಾರಿಗೆ ಬರಲೇ ಇಲ್ಲ.
  • ಒಪ್ಪಂದಕ್ಕೆ ಸಹಿ ಮಾಡಿದ ಪ್ರಮುಖ ದೇಶಗಳೆಂದರೆ ಅಮೆರಿಕ, ರಷ್ಯಾ, ಫ್ರಾನ್ಸ್, ಚಈನಾ ಹಾಗೂ ಇತರ 178 ದೇಶಗಳು.
  • ಒಪ್ಪಂದಕ್ಕೆ ಸಹಿ ಮಾಡದ ದೇಶಗಳೆಂದರೆ ಭಾರತ, ಪಾಕಿಸ್ತಾನ, ಉತ್ತರ ಕೊರಿಯಾ ಮತ್ತು ಇತರ ಹತ್ತು ದೇಶಗಳು.
  • 2017ರಲ್ಲಿ ಅಣ್ವಸ್ತ್ರ ನಿಷೇಧ ಒಪ್ಪಂದ ಸಹಿಗಾಗಿ ಮುಕ್ತವಾಗಿದೆ. 50 ದೇಶಗಳು ಒಪ್ಪಂದಕ್ಕೆ ಸಹಿ ಮಾಡಿದಲ್ಲಿ ಇದು ಜಾರಿಗೆ ಬರಲಿದೆ.

Comment